حلم وشكر.. حمزة علاء يوجه رسالة للجماهير المصرية

وجه حمزة علاء حارس مرمى منتخب مصر الأولمبي الشكر للجماهير المصرية على الدعم الذي تلقاه خلال تواجده مع المنتخب في أولمبياد باريس 2024.

وكان منتخب مصر الأولمبي حصد المركز الرابع في أولمبياد باريس بعدما صعد إلى نصف النهائي وخسر من فرنسا، ثم الخسارة من المغرب في مباراة تحديد المركز الثالث.

كتب حمزة علاء عبر حسابه الرسمي على انستجرام: "‏أول معسكر لينا كان في شهر 09/2022. كان حلمنا ساعتها ان احنا نوصل أمم افريقيا. وصلنا أمم افريقيا و كان حلمنا بعدها ان احنا نوصل أولمبياد. وصلنا أولمبياد و كان حلمنا الاكبر ان احنا نرفع اسم بلادنا وسط العالم كله و نعرف الدنيا مين هو منتخب مصر. و كان هدفنا و حلمنا الحقيقي انا احنا نرجع مصر ‏بميدالية بس مكنش لينا فيها نصيب. الحمدلله."

وأضاف: "و كل الشكر لكل زملائي من اول معسكر لينا لحد اخر ماتش لينا، انا كان ليا الشرف ان انا اكون جزء من المنتخب ده اللي بجد عمل كل حاجه عشان يفرح بلده. شكراً لكل فرد في الجهاز الفني و الطبي، شكرا انكم اديتوني فرصه زي دي إن أنا امثل بلدي في أكبر بطولة في العالم. شكراً لكل من امي و ابويا و اخواتي، شكرا انكم عمركم ما فقدتم الامل فيا رغم الظروف، و شكرا انكم كنتم معايا في كل خطوة  في كل ماتش. انتم اهم و احلي حاجه في حياتي. و اخيرا، كل الشكر و التقدير و الحب لشعب مصر."

واختتم: "احنا كان نفسنا نرجع اراضي بلدنا ‏بميدالية تليق بحجم مصر و نرفع علم مصر قدام العالم كله. شكرا علي دعم كل المصريين، شكرا علي وقفتكم جمبنا و شكرا علي حبكم لينا. النهاية مكنتش احسن حاجة بس زي ما بنحمد ربنا نشكر فضله علينا و احنا مبسوطين، لازم نحمد ربنا و نشكر فضله علينا و احنا زعلانين. تمثيل مصر شرف كبير لأي حد، عمري ما هنسي المنتخب ده و عمري ما هنسي الأولمبياد دي بحلوها و مرها. الحمدلله دائماً وابداً."

أخبار متعلقة

موعد مباراة البرازيل وأمريكا في نهائي كرة القدم للسيدات بأولمبياد باريس

الاثنين.. إقامة فعاليات مؤتمر ومعرض مصر الدولي للصحة

صاحب ذهبية طوكيو..الرباع القطري فارس حسونة يودع أولمبياد باريس