لاعب الاتحاد يتحدث عن طرده أمام الزمالك: أنا مش بمثل

تحدث عبد الغني محمد لاعب فريق الاتحاد عن طرده أمام الزمالك خلال مواجهة أمس بالجولة السابعة من الدوري الممتاز هذا الموسم.

وكتب عبد الغني عبر حسابه الرسمي على فيس بوك: " أنا مش هعقب علي أي حالات أو أقول أي مبررات لأسباب الخسارة، الحالة الأولى اللي أخدت فيها الإنذار، أنا قولت بالحرف (ايه ده والله العظيم ملمسته) ومتكلمتش ولا تجاوزت ولا قولت أي حاجة".

وأشار: " اللي كان مخليني منفعل إني فعلا معملتش أي احتكاك وأخدت إنذار حتى من قبل ما أفتح بوقي، الكرة الثانية أنا عارف إني معايا إنذار طيب هوقع نفسي ليه؟؟؟، أنا اتخبطت في رجلي وقعت طبيعي من غير أي تفكير، طيب في احتكاك أنا باخد إنذار تاني ليه؟ حتي لو شايف إنه (احتكاك عادي) طيب أنا مش بمثل أنا وقعت عشان اتخبطت".

وكان عبد الغني محمد تعرض للطرد خلال مواجهة أمس بعدما حصل على إنذارين، من ضمنهما إنذار ثان بداعي التمثيل داخل منطقة جزاء الزمالك.

أخبار متعلقة

عمر فايد: مورينيو أبلغني بمتابعته لي.. وهذه حقيقة عودتي لمصر

يوفنتوس يفتش داخل برشلونة لترميم دفاعاته

مجموعة مصر .. البحرين تواجه قطر وديًا ضمن استعداداتها لبطولة العالم لليد