آخبار +TV مباريات اليوم كرة مصرية كرة عالمية العاب آخرى كرة نسائية

تواصل معنا

أغلاق

شاهد كل المباريات

هشام نصر: لا أسعى لرئاسة الزمالك.. وممدوح عباس أكبر داعم للنادي

هشام نصر

كتب : صلاح أبو زيد

الخميس، 04 يونيو 2026 12:48 ص

أكد هشام نصر، نائب رئيس نادي الزمالك، أنه لا يفكر حاليًا في الترشح لرئاسة النادي، مشيرًا إلى أن الأولوية في الوقت الحالي هي العمل على حل الأزمات التي تواجه القلعة البيضاء، بالتعاون مع جميع أبناء النادي ورموزه، من أجل دعم الزمالك خلال المرحلة المقبلة.

كما شدد نائب رئيس الزمالك على أن مجلس الإدارة يواصل العمل على تسوية الملفات والأزمات المالية المختلفة، مؤكدًا وجود تحركات لدعم النادي من جانب عدد من رجال الأعمال، إلى جانب استمرار مساندة ممدوح عباس، الذي وصفه بأنه أكبر داعم للزمالك، معربًا عن ثقته في قدرة النادي على المشاركة في البطولات الإفريقية خلال الفترة المقبلة.

وقال هشام نصر في تصريحات تليفزيونية ردًا على سؤاله هتكون رئيس نادي الزمالك القادم؟: الله أعلم.. أنا لا أسعى وراء المنصب، والمنصب هو اللي يطلبني، ودلوقتي المنصب لا يطلبني، لأني واحد من مجموعة مظلومة، وأقول للجميع تعالوا اقعدوا مكاننا ويلا ورونا، وبابنا مفتوح لأي حد، وتواصلت مع أسماء كبيرة جدًا في النادي وقلت لهم: تعالوا ساعدوا معانا".

وأضاف: "الناس اللي بتساعد دي بتتهاجم وبتتهدد تليفونيًا، وبيتم الخوض فيهم بطريقة بشعة لامتناعهم عن دعم ومساعدة الزمالك، سواء بأفكار أو أموال".

وتابع: "احنا فتحنا باب المفاوضات على المشاكل، لأنك لازم تروح فيفا بتسويات، سواء كاملة أو اتفاقات تقدمها بشكل رسمي، وإحنا ماشيين في الاتجاه ده، وأحد رجال الأعمال بيجمعوا بعض علشان يشوفوا الإمكانية اللي هيساعدوا بيها، ولازم الجميع يتكاتف، اللي راضي واللي مش راضي".

وواصل: "اللي بيكلم الناس وبيقاتل علشان الموضوع ميتمش، أنت مش بتعاديني أنا، أنت بتعادي النادي، اللي محتاج بدل الفرع اتنين وثلاثة وأربعة".

وأردف: "ممدوح عباس أكبر داعم للزمالك، وواعد بالمساندة في تلك الأزمة، وحقيقة رفضه المساعدة غير صحيحة، ولما بيتطلب منه حاجة بيعملها على طول".

واختتم هشام نصر تصريحاته قائلًا: "إن شاء الله هنشارك في إفريقيا".

الزمالك

نادي الزمالك

هشام نصر