أعرب محمد صلاح قائد منتخب مصر عن سعادته الكبيرة بعد الفوز التاريخي الذي حققه الفراعنة على نيوزيلندا بنتيجة 3-1 في الجولة الثانية من دور المجموعات بكأس العالم 2026، مؤكدًا أن جميع اللاعبين كانوا على قدر المسؤولية وقدموا مباراة كبيرة.

وقال صلاح عقب المباراة: "اللعيبة كلها تعبت، واللعيبة كلها أدت بشكل كويس. أداءنا كان فيه روح كبيرة، وأنا سعيد جدًا لتريزيجيه وزيكو إنهم سجلوا أهداف برضه."

وأضاف قائد الفراعنة: "شخصيًا، إن أكون الهداف التاريخي لمنتخب مصر دي حاجة أتشرف بيها جدًا، حاجة أنت كمصري مش بتحصل كتير. وأول فوز لمنتخب مصر في كأس العالم وإنك تكون أفضل لاعب في المباراة، دي حاجة فخور بيها جدًا."

وتحدث نجم المنتخب المصري عن رحلته الطويلة مع كرة القدم وما بذله من جهد للوصول إلى هذه المكانة، قائلًا: "المصريين يعرفوا أكتر من أي حد قد إيه أنا بشتغل على نفسي وقد إيه تعبت علشان أوصل لمكانة كبيرة. والحمد لله إني محظوظ إني مريت بحاجات كتير، ودائمًا هنبص عليها كمصريين إنها فترة كان فيها شاب مصري طلع وخلانا نعيش فترة كويسة."

ووجه صلاح رسالة دعم للجيل الجديد من اللاعبين، مشيدًا بالمواهب الصاعدة داخل المنتخب الوطني: "أتمنى اللعيبة زي حمزة وعمر وكل الناس اللي جاية تقدر تعمل حاجات كبيرة كده. ومش عاوز أنسى حد، أنا سعيد جدًا بالفترة اللي عشتها مع المنتخب، وسعيد بكل الإنجازات اللي حققتها."

وقاد صلاح منتخب مصر لتحقيق أول انتصار في تاريخ مشاركاته بكأس العالم، كما عزز الفراعنة حظوظهم في التأهل إلى دور الـ32 قبل مواجهة إيران في الجولة الثالثة والأخيرة من منافسات المجموعة السابعة.