كشف إبراهيم عادل، جناح فريق نورشيلاند الدنماركي، المعار من نادي الجزيرة الإماراتي، عن بدايته في عالم كرة القدم، شاكرًا عائلته على كل ما قدموه له في بداية مشواره الكروي.

وقال إبراهيم في تصريحات تليفزيونية علر قناة "أون سبورت": "أنا لا أحب الظهور الإعلامي، وهذا أول حوار لي، وبإذن الله تكون بداية كويسة".

وتابع: "كنت بلعب في الشارع عادي، وكان فيه كابتن اسمه عزب شافني بلعب مع شقيقي في الشارع، وكلم والدي وقاله إن ابنك لاعيب كويس، وحاول توديه أي نادي، والحمد لله والدي وصلني المريخ وبدأت مشواري من هناك".

وأكمل: "النقلة من بورسعيد لـ بيراميدز، في البداية كان اسمه الأسيوطي، من يوم وليلة بلغوني إني هلعب هناك وكنت أغلى صفقة وأنا صغير بـ حوالي ميلون و200 ألف".

واسترسل: "كان صعب على والدي إني أسافر من بورسعيد للأسيوطي 4 ساعات تقريبا، والموضوع كان صعب في البداية بس كان عندي تحدي إني أنقل أهلي لمكان تاني".

وأضاف: "عندي أخ وأخت، وأنا أصغر واحد، وأنا لا أشعر بالإحراج، والدي ووالدتي تعبوا معايا وأهلي ناس بسيطة جدا، كان في أيام كتير بيستلفوا علشان أروح التمرين وألبس لبس كويس وأشتري جزمة كورة، وأتمنى أرد ليهم كل اللي عملوه معايا".

وذكر: "بدأت إني واخد الكورة عن حب، بحب ألعب كورة، وجيت في لحظة حسيت إني أركز وأوصل لحته بعيده، وكان قدامي نماذج كتيرة، وحاولت ألتزم وأجتهد، وبدأت في الأسيوطي والحمد لله النادي بقى بيراميدز، وأنا كنت في الناشئين مش في الدرجة الأولى، واشتغلت على نفسي وكان فيه مدرب برازيلي اسمه ألبرتو، وشاهدني وأنا أشارك أمام بيراميدز وبهاجم عليهم، ومشيت معايا وبعد التمرين قالي أنت هتبقى موجود معانا، والكابتن حمادة طلبة اتكلم معاه وقاله ده لاعيب جديد، وكان يوم عيد بالنسبالي، وكلمت أهلي".

واستكمل: "قولت لأهلي إن المدرب قالي هكمل، وكانت فترة كأس عالم، وعمر جابر والسعيد كانوا راجعين من المونديال، وكينو كمان، كان لاعب متميز للغاية ولكن لما تشوفه في التمرين هتقول مش هلاعبه، لكن هو نجم كبير في الملعب".

واختتم إبراهيم حديثه قائل: "فضلت على الحال ده حتى وصلت المدرب الكرواتي أنتي، وكان أول مباراة ضد طنطا، وكنت تعبان، ولعبنا ضد طنطا وكسبنا الحمد لله، وبدأت من هنا".