كشف حسام عبد المجيد، مدافع منتخب مصر، عن كواليس الحالة المعنوية داخل معسكر الفراعنة خلال كأس العالم، مؤكدًا أن الجهاز الفني بقيادة حسام حسن وقائد المنتخب محمد صلاح كانا يرفضان فكرة عودة الجماهير المصرية حزينة بعد الحضور الكبير في المدرجات.

وقال عبد المجيد في تصريحات تليفزيونية: "الكابتن حسام حسن ومحمد صلاح، أول ما شافوا العدد الكبير من الجماهير المصرية في أمريكا، قالوا مينفعش الناس دي تروح زعلانة."

وأضاف: "لما كنا بنشوف فرحة الناس بعد المباريات، حسينا كأننا أخدنا كأس العالم، لأن دعمهم كان كبير جدًا".

وأكمل: "قدمنا مباراة قوية أمام بطل العالم، وكمان مباريات كبيرة أمام كل المنتخبات، ودي أفضل مجموعة لعبت معاها وتواجدت معها في معسكر".

وتابع: "أول مباراة لينا كانت أمام بلجيكا، ولما شوفنا الجماهير بالشكل ده حسينا بالمسؤولية، وقلنا مينفعش الناس دي ترجع زعلانة".

كما تحدث عبد المجيد عن انطباعه الأول تجاه المدير الفني حسام حسن، قائلًا: "أول مرة قابلته كنت خايف جدًا، لأني كنت عارف إنه عصبي، لكن لما اتكلم معايا بعيد عن الكورة لقيته شخص بيهزر ويضحك، أما داخل الملعب فهو عصبي جدًا وعايز كل حاجة تتنفذ بالشكل اللي في دماغه."