شاهد بالفيديو كل ما قاله محمد صلاح في الجزء الأول من حلقته مع إسعاد يونس

كتب : أحمد حسين

الخميس، 03 مارس 2022 09:07 م

مشاركه

محمد صلاح

حل النجم المصري العالمي محمد صلاح كابتن منتخب مصر وجناح فريق ليفربول الإنجليزي، ضيفا على الإعلامية إسعاد يونس في برنامج صاحبة السعادة، في بث مشترك عبر قناتي dmc والأولى بالتلفزيون المصري.

وخلال الجزء الأول من الحلقة الذي أذيع مساء اليوم الخميس، أدلى محمد صلاح بالعديد من التصريحات الخاصة بمسيرته في الدوري الإنجليزي، وعلاقته الأسرية مع زوجته وابنتيه مكة وكيان.

كما تحدث صلاح عن دوره في حملة لا للإدمان، بجانب الحديث عن أهم مباراة في مسيرته الكروية خاضها مع منتخب مصر.

وكل ما يلي في السطور التالية على لسان النجم المصري محمد صلاح:

- بدأت إسعاد يونس الحلقة بتقديم العديد من الأكلات المصرية الشهيرة والتسالي للنجم محمد صلاح، إلا أن مو اختار أن يبدأ الحلقة بتناول البطاطا

- واجهت صعوبات في بداية مشوري الاحترافي لكنني قررت أن أصنع شيء مختلف عن باقي اللاعبين المصريين الذين احترفوا في أوروبا من قبل، شاهدت العديد من الفيديوهات الخاصة بالنجوم السابقين وكان هدفي أن أغير المفهوم السابق، إذا عدنا بالزمن لمدة 10 سنوات وسألنا المصريين هل تتوقع أن يكون هناك لاعب مصري ينافس على لقب أفضل لاعب في العالم سيقول لا.

- شرف لأي شخص أن يرتدي قميص المنتخب، أكون سعيدا وأنا ألعب بقميص المنتخب مع باقي زملائي، مباراة الكونغو التي منحتنا بطاقة التأهل لكأس العالم 2018 بروسيا أهم مباراة لعبتها في حياتي.

- أم مكة تراعي الأطفال في المنزل بشكل دائم نظرا لوجودي في النادي دائما، وهي تحاول أن تكون ست بيت للمنزل بأكمله، ومهما تحدثت عنها لن أوفيها حقها.

- زوجتي هادئة ولا تتابع مواقع التواصل وأنا وهي مثل بعض، وأنا برج الجوزاء لكن ملامح البرج مبتبانش عليا كان زمان.

- ماجي زوجتي بتطبخ حلو وأنا كمان بطبخ، أصنع أكلات مختلفة بيض وأفوكادو والشوفان، بعرف أعمل فطار كويس أوي، في سويسرا كنت بعمل لوحدي لكن في إنجلترا ماجي بتساعدني، وأتناول الفول والطعمية أثناء وجودي في مصر ولكن ليس كثيرا.

- ماجي قالت لي على مكة من يوم ما عرفنا بعض، الاسم موجود ولكن لم يسميه أحد وقولتها لما نيجي نخلف هيكون كل الناس سمت مكة.

- مكة عندها طاقة طول الوقت ويعجبني شخصيتها القوية، كما أنها عنيدة ومبتسكتش على أي حد ياخد الجاحة بتاعتها، ولو عايزة حاجة بتاخدها، ودي حاجة بتبين انها في المستقبل هتسعى لتحقيق أحلامها.

- طول عمري وأنا صغير كان نفسي يبقى عندي ولد لكن لما جالي البنتين بقى ولا فارق معايا أي حاجة، ومكة تطلع اللي هي عايزاه واللي تقرره لنفسها.

- صُدمت من اختيارات البالون دور، مش بحب نظرية المؤامرة ومعرفش هما اختاروا البلون دور بناء على إية وحقيقي معرفش

- - معرفش الاختيارات مبنية على إية في جايزة ذا بيست، شوفت النتيجة وخلاص، مش ببقى مبسوط، بس في الأخر هعمل إية، بحس لو الناس شايفة المفروض أبقى موجود والعالم كله بيقول إية دة إزاي مش موجود دة بالنسبالي أهم حاجة.

- الناس كلها نفسها تعرف ماما بتدعيلي تقولي إية، لحد دلوقتي لسة مش عارف.

- اللي تخطى مرحلة الإدمان دة وتغلب على نفسه وتحدى نفسه دة فخر لينا كلنا، بتابع مع حملة لا للإدمان وكل سنة بعمل إعلان وأتمنى دايما أكون مساهم في إن ناس كتير تبطل وترجع أحسن

- لا أعتقد إن كيان ومكة هيكون عندهم صدمة ثقافية لما نرجع القاهرة لأنهم بينزلوا البلد بشكل مستمر وبتتعامل مع العائلة على طول وبتتأقلم في البلد وهنا في إنجلترا.

- مكة بتحب تنزل مصر عشان جدها وستها بينفذلوها كل طلباتها، بتقولي انت هنا بتديني شيكولاتة مرة في الأسبوع وفي مصر بيجبولي كل اللي عايزاه، كانت بتاكل وهي بتتفرج على الأيباد لكن قولتلها خلاص وقت الأكل بناكل كلنا مع بعض.

- بنجيب كل حاجة في الأعياد وبنحتفل بكل حاجة، احنا عائلة بتحتفل بكل حاجة

- لو كلت فطير مشلتت بحس بالذنب ولو كلت فطير وكشري في يوم واحد بيبقى كدة خلاص اليوم قفل والشهر كمان، مرة في مصر اتعشيت كشري وحسيت ان في حاجة هتحصل وقعدت بقيت الشهر مش باكل حاجة خالص، أنا مش بضعف قدام الأكل، لو حد قدامي بياكل شوكلاتة مش بضعف أو أقول عايز